Algemene info

LIGA WENNERS 2011

CHARL EN ULRICH

Ons het pas 'n splinternuwe volleyball-baan by ons kerk voltooi en nooi julle graag om saam te kom speel in die Pretoria-Oosliga. Die doel van die liga is om sommer bietjie die mense van Pretoria-Oos bymekaar te kry en mekaar beter te leer ken maar ook terselfdertyd te kompeteer vir die titel van volleyball kampioene in die ooste van Pretoria!

Ons beplanning is dan om die gemeentes in die ooste van Pretoria uit te nooi om deel te word van die liga en ons wil graag hê julle moet ons join!! 

'n Dag op die Volleyball-baan verloop so:

Dit vind by Tygerpoort Kerk, Shere, Pretoria-Oos plaas (Kyk www.ngtyger.com vir aanwysings)

Inskrywing: R80 per span (R20 per persoon), jy kan online inskryf by: www.ngtyger.com/pages/span-inskrywings of daai dag vanaf 8:30 by baan.

Aantal mense: 3-4 per span, gemengde spanne (mans / vrouens) welkom

Pryse: Kontantpryse, kampioen-Bibs, Gert Roux Wisseltrofee, Spanfoto en meeste van als “streetcredit”

Ander: Daar gaan braaiers beskikbaar wees en musiek, so bring sommer jou pêlle en kom geniet die dag langs die volleyball-baan. Daar is walle vir toeskouers of alternatiewelik kan jy ‘n kampstoel saambring. (Die idee is om almal sommer daar saam te kuier en mekaar te leer ken)

TYGERPOORT LIGA

Senior > 18 (3-4 spelers per span)

A Liga – 5 Spanne

B Liga – 5 Span

C Liga – 5 Spanne

D Liga – 5 Spanne

Junior < 18 (3-4 spelers per span)

A Liga – 5 Spanne

B Liga – 5 Spanne

C Liga – 5 Spanne

D Liga – 5 Spanne

Groot Liga dag:

• Hierdie algehele dag word dan 1 keer 'n maand gehou waar nuwe inskrywings hulleself kan vestig / alternatiewelik kan hulle van onder af begin daag.
• Aan die einde van die dag word die ranglys bepaal asook die kampioene gekroon.
• Wenner is die eerste span tot by 15 punte en wen met 2 punte.
• Punteverskil is ook belangrik tydens alle wedstryde om rankings te bepaal.

Normale Liga:

• Daagwedstryd – Die beste uit 5 spelle (Liga A), Die beste uit 3 spelle (Liga B).
• Mag slegs 1 keer per week daag, indien span wat gedaag word na 2 herhalende kere nie dit kan maak nie forfeit daai span sy posisie.
• Daar mag 'n maksimum van 2 posisies bo jou gedaag word, indien jou span sou wen beweeg jy 1 plek op en die span wat 2de was 1 plek af – dit sal verseker dat spanne gereeld sal daag anders gaan jou span plek verloor sonder dat jy eers deelneem.
• Indien 'n span vir 3 uitdagings nie afspraak kan maak nie sal hy posisie forfeit.
• Indien span later as 15 minute opdaag as ooreengekome wedstrydtyd sal hy ook sy posisie forfeit tensy 'n reëling getref word.
• Wedstryd moet gefasiliteer word deur 1 van die volleyball komitee leiers / skeidsregters, tensy anders gereël.
• 'n Maksimum van 1 reserwe in liga A en 2 reserwes in liga B,C,D toegelaat per wedstryd.
• Ligawedstryde – Speel tot n span 15 punte het, span moet met 2 punte wen.
• Wedstryde moet deur Tygerpoort gereël / gefasiliteer word – email / website
• Ranglyste sal teen alle tye op website beskikbaar wees.